Село степаничиково - Коцкар

Село степаничиково„Вујко ми, полковникот Егор Илич Ростањев, откако мина во резерва, се пресели во наследеното село Степенчиково и почна да живее во него како цел век да бил тамошен поседник што не се помрднувал од својот имот. Има луѓе што се апсолутно со се задоволни и на се се навикнуваат; токму таква беше природата на полковникот во резерва. Тешко е да се замисли човек што би бил посмирен и повеќе би се согласувал на се и сешто...“Коцкар„Колку што можев јас и објаснив на бабата што значат тие многубројни комбинации на влоговите rouge et noir, pair et impair manque et passe и, најпосле различни нијанси во системот на бројките. Бабата ме слушаше внимателно, запаметуваше, ме препрашуваше и учеше. За секој систем на поставување влогови можеше веднаш да се наведе пример, како што многу нешто се научуваше и запаметуваше мошне лесно и наскоро. Бабата остана многу задоволна.“