Бедни луѓеОх, пак и тие ми се некакви раскажувачи! Не да напишат нешто корисно, пријатно, слаткозборно, туку тие и црното од под ноктот подземи го отпретуваат!.. Еве јас би им забранил да пишуваат! А и на што прилега ова: читаш... не сакајќи ќе се замислиш, – а таму секакви штогодности ќе ти удрат во главата; што е право, јас би им забранил да пишуваат, ете така, просто сосем би им забранил.Двојник„Беше нешто пред осум часот наутро кога титуларниот советник Јаков Петрович Голјаткин се разбуди по долго спиење, се проѕевна, протегна и, најпосле, сосема ги отвори своите очи. Навистина, тој минута-две лежеше неподвижно во својата постела како човек што се уште не е сигурен дали се разбудил или уште спие, дали тоа што се случува околу него е најаве или е продолжение на неговите неповрзани соништа.“